Bojkovski pranoi tre nga katër vrasjet e grave për të cilat gjykohet në Kumanovë

Trajko Bojkovski, i akuzuar për katër vrasje në zonën e Staro Nagoriçanes, ka pranuar në seancën e sotme në Gjykatën Themelore të Kumanovës se ka kryer tre nga veprat për të cilat akuzohet.

MARKETING

Në seancë dëshmoi Stojan Bajraktarov, specialist i psikiatrisë dhe psikiatrisë forenzike, i cili foli për gjendjen psikike dhe kapacitetet intelektuale të të pandehurit.

Sipas gjetjeve të ekspertizës, Bojkovski ka kapacitete të kufizuara intelektuale, në kufirin mes aftësive intelektuale lehtësisht të reduktuara dhe normales.

Bajraktarov deklaroi se i pandehuri ishte në gjendje të përshkruante ngjarje të caktuara dhe veprimet e tij. Si shembull, ai përmendi rastin kur Bojkovski u largua me vrap nga shtëpia e njërës prej viktimave, pasi kishte parë një makinë të bardhë dhe kishte menduar se po afrohej djali i saj.

Bojkovski akuzohet për vrasjen e katër grave në zonën e Staro Nagoriçanes. Shumica e viktimave ishin gra të moshuara që jetonin vetëm, ndërsa njëra prej tyre ishte më e re.

Argumentet përfundimtare të palëve në këtë proces gjyqësor janë caktuar për 6 tetor.

MARKETING