Shkëndija firmos kontrata profesionale me dy talentë të rinj

Shkëndija vazhdon të investojë te të rinjtë, duke firmosur kontrata profesionale dyvjeçare me dy lojtarë të rritur në akademinë e klubit: Armir Isa dhe Nazif Ceka. Armir Isa, 18-vjeçar, është një sulmues krahu që ka spikatur në ekipet e moshave, ndërsa 17-vjeçari Nazif Ceka luan si qendërmbrojtës dhe ka treguar progres të vazhdueshëm. Me këto nënshkrime, Shkëndija konfirmon përkushtimin e saj ndaj zhvillimit të talentëve vendorë dhe ndërtimit të një të ardhmeje të qëndrueshme për klubin.

Të dy lojtarët pritet t’i bashkohen skuadrës së parë gjatë fazës përgatitore parasezonale. Klubi i vlerëson këto hapa si investim në identitetin dhe vazhdimësinë e ekipit. Shkëndija mbetet e përkushtuar ndaj modelit që promovon lojtarët e vet si pjesë kyçe të suksesit të saj. /SHENJA/

MARKETING