Reali i gatshëm ta dëgjojë ofertën e Arsenalit për Rodrygon
Real Madridi është i gatshëm të dëgjojë ofertat për Rodrygon, por vetëm nëse vetë lojtari shpreh dëshirën për t’u larguar nga klubi, raporton Fabrizio Romano.
MARKETING
Aktualisht, braziliani nuk ka dhënë asnjë sinjal që dëshiron të largohet nga ‘Los Blancos’.
Rodrygo vazhdon të stërvitet me përkushtim dhe intensitet të lartë, duke dëshmuar seriozitetin e tij në çdo seancë.
Ai gjithashtu është i entuziazmuar për të luajtur nën drejtimin e Xabi Alonsos, fillimisht në Kupën e Botës për Klube, e më pas në sezonin e ardhshëm.
Pavarësisht zërave, Arsenali ende nuk ka paraqitur ndonjë ofertë zyrtare për shërbimet e tij.
Megjithatë, klubi londinez vlerëson shumë talentin dhe potencialin e Rodrygos.
Për momentin, e ardhmja e tij mbetet e lidhur me Realin, për aq kohë sa ai vetë nuk kërkon ndryshim.
MARKETING
