Zv/kryeministri Izet Mexhiti: 34.5 milionë euro për Universitetin “Nënë Tereza”

Zv/kryeministri Izet Mexhiti, ka njoftuar se në mbledhjen e Qeverisë janë ndarë 34.5 milionë euro për ndërtimin e kampusit të Universitetit “Nënë Tereza”.
“Sot, në mbledhjen e Qeverisë, u miratua një vendim historik, investim madhor prej 34.5 milionë eurosh. Po ndërtojmë kampusin e Universitetit “Nënë Tereza”!
Ky projekt nuk është thjesht një ndërtim, por një simbol i vizionit tonë për një të ardhme më të ndritur për të rinjtë dhe për vendin tonë. Për dekada, brezat kanë ëndërruar një qendër të tillë edukative që do të pasurojë jo vetëm dijen, por edhe shpirtin e një kombi të tërë. Sot, ajo ëndërr po bëhet realitet!
Me këtë kampus, po ndërtojmë një vatër të dijes për brezat e ardhshëm, duke u dhënë të rinjve mundësinë të formësojnë të ardhmen e vendit dhe të shoqërisë.”, ka shkraur Mexhiti, transmeton SHENJA.

MARKETING