(VIDEO) Në LSDM po punohet për konceptin e bazuar në “ne” dhe jo në “unë”

Deputeti i LSDM-së, Jovan Despotovski, është pyetur nëse do të kandidojë për kryetar partie pas dorëheqjes së Dimitar Kovacevskit. Ai  tha se po punojnë në një koncept të bazuar në “ne” jo në “unë” së bashku me një ekip të përkushtuar të miqëve të tyre, por edhe njerëzve që nuk kanë qenë në politikë deri më tani. Despotovski theksoi se nuk është koha për të përmbushur ambiciet personale, por për të zbatuar një koncept të ri në funksionimin e LSDM-së.

Pas dështimit zgjedhor, ai shprehet i bindur se partisë i duhet një mosvazhdimësi radikale me politikat aktuale, mënyrën e zbatimit të tyre, por edhe zgjidhjet kadrovike.

JOVAN DESPOTOVSKI, DEPUTET I LSDM-SË

“Mesazhi i anëtarëve dhe qytetarëve është i qartë. Prandaj i bëj thirrje partiakëve të kryesisë aktuale që të marrin përgjegjësi dhe ta mbyllin këtë çështje pa vonesa të mëtejshme. Prioritet i LSDM-së mbi dëshirat dhe ambiciet personale. Përkundrazi, si do t’u tregojmë qytetarëve që e kemi dëgjuar dhe kuptuar mesazhin që na dërguan nëse do t’u ofrohet sërish ajo që ata thanë qartë “jo”. Tani duhet të mendojmë për ditën tjetër. LSDM-së i duhet një koncept dhe zgjidhje e re për “rilindjen”.

Ai bëri të ditur se tashmë ka ofruar një koncept tjetër për LSDM-në kur kandidoi për kryetar tre vjet më parë dhe se sërish është i motivuar të ofrojë një koncept me të cilin partia do ta rifitojë vendin që meriton. /SHENJA/

MARKETING