Tre ushtarë amerikanë të vdekur pas përplasjes së dy helikopterëve në Alaskë

Tre ushtarë amerikanë të vdekur pas përplasjes së dy helikopterëve në Alaskë

Tre ushtarë kanë gjetur vdekjen dhe një është lënduar pasi dy helikopterë të ushtrisë u përplasen gjatë stërvitjes mbi Alaskë të enjten, thanë zyrtarët.

Baza Elmendorf-Richardson tha se dy helikopterë AH-64 Apache që ktheheshin nga një mision stërvitor u përplasën dhe u rrëzuan pranë Healy, përcjell Telegrafi.

Dy nga ushtarët u deklaruan të vdekur në vendngjarje dhe një tjetër vdiq gjatë rrugës për në spital. Ushtari i katërt po trajtohet në spital për lëndime.

Helikopterët ishin nga Regjimenti i 25-të i Aviacionit i Batalionit të Parë të Zbulimit të Sulmit në Fort Wainwright në Fairbanks, thanë zyrtarët.

“Kjo është një humbje e për familjet e këtyre ushtarëve, shokët e tyre ushtarë dhe për divizionin”, citohet të ketë thënë në një deklaratë gjeneralmajor Brian Eifler, gjeneral komandant i Divizionit të 11-të Ajror.

“Lutjet tona shkojnë për familjet, miqtë dhe të dashurit e tyre dhe ne po vëmë në dispozicion burimet e plota të ushtrisë për t’i mbështetur ata”. /Telegrafi/

MARKETING