Taravari: Gjykata e Apelit vendosi, Aleanca për Shqiptarët është e jona
Aleanca për Shqiptarët e Arben Taravarit njofton se Gjykata e Apelit në Gostivar e ktheu në rigjykim rastin e partisë politike Aleanca për Shqiptarët dhe pranoi ankesat e përfaqësuesit ligjor të Arben Taravari.
“Gjykata e Apelit e kthen lëndën në rigjykim pas vendimit të mëparshëm të Gjykatës Themelore Tetovë, ku u zvarrit dhe disa gjykatës u ndërruan deri në marrjen e vendimit skandaloz nën presionin e ish-ministrit të Drejtësisë Krenar Loga, se vulat partiake i përkasin fraksionit që iu bashkua BDI-së”.
“Duke marrë parasysh provat e depozituara në Gjykatën e Apelit në Gostivar, pritet që vendimi përfundimtar të jetë në favorin tonë dhe partia së bashku me vulat t’i mbetet kryetarit të saj legjitim Arben Taravari”, thonë nga partia.
Ndërkaq, Arben Taravari me anë të një statusi në facebook, ka njoftuar se Gjykata e Apelit ka vendosur që partia, Aleanca për Shqiptarët t’i takojë takon Shumicës Absolute dhe i kthehet anëtarësisë së saj.
Ja postimi i plotë i Taravarit:
Aleanca për Shqiptarët është e jona!
Gjykata e Apelit vendosi që Partia Aleanca për Shqiptarët i takon Shumicës Absolute.
Partia i kthehet Anëtarësisë së saj!
Urime të gjithëve!
MARKETING
