Siljanovska – Davkova nga Konferenca për Ukrainën: Nevojitet një plan i ri Marshall
![Siljanovska – Davkova nga Konferenca për Ukrainën: Nevojitet një plan i ri Marshall](https://shenja.tv/wp-content/uploads/2024/06/silja.webp)
Presidentja Gordana Siljanovska-Davkova sot nga Berlini, në margjinat e konferencës për rindërtimin e Ukrainës, porositi se Evropa ka nevojë për një plan të ri Marshall.
“Pas Luftës së Dytë Botërore, Plani i Marshallit ishte, ndër të tjera, një shprehje e solidaritetit ndaj Europës së shkatërruar, dhe sot një lloj i ri i Planit të Marshallit është i nevojshëm për Ukrainën e shkatërruar. Investimet janë të nevojshme jo vetëm në infrastrukturën rrugore dhe energjetike, por edhe në infrastrukturën njerëzore, arsimore, sociale dhe normative”, u shpreh Siljanovska-Davkova.