Mexhiti: Nuk do të votoj për Qeverinë e re, por nuk kemi kurrfarë dilemash rreth ndryshimeve kushtetuese

Mexhiti: Nuk do të votoj për Qeverinë e re, por nuk kemi kurrfarë dilemash rreth ndryshimeve kushtetuese

Nënkryetari i Bashkimit Demokratik për Integrim dhe pjesë e të ashtuquajturit “Grupi i zjarrit”, Izet Mexhiti theksoi se nuk do të votojë për Qeverinë e re, por nuk ka kurrfarë dilemash rreth ndryshimeve kushtetuese.

“Kjo është politikë e inatit dhe politikës dhe interesave ditore dhe e them publikisht se nuk do të votoj për Qeverinë e re, por për të qenë i qartë unë dhe të gjithë deputetët shqiptarë nuk kemi kurrfarë dileme për ndryshimet kushtetuese. Këto dy gjëra nuk duhet të lidhen. Siç na quajnë të zjarrtë, aktualisht kemi tre deputetë. Flasim edhe me të tjerë. E shoh që ka pakënaqësi edhe tek partitë më të vogla dhe tek eksponentët e tjerë dhe duhet të presim”, tha Mexhiti në intervistën për “Republika”.

Ai vlerëson se Aleanca për Shqiptarët është e panevojshme në Qeveri. Sipas Mexhitit, kjo nuk është mirë as për Aleancën për Shqiptarët, as për Qeverinë.

Mexhiti nuk i sheh të nevojshme zgjedhjet e parakohshme.

“Dhe kjo që u bë është e panevojshme, ka pasur shumicë të qëndrueshme dhe është dashur vetëm të bëhet ajo që është premtuar dhe nuk do të kishte nevojë për akrobacione të tilla politike. Shpresoj që kjo të mos çojë në zgjedhje të parakohshme dhe duhet të punojmë së bashku që të gjendet zgjidhje dhe të arrijmë te ndryshimet kushtetuese sepse kjo është rruga e vetme për qytetarët që të shkojmë në BE”, theksoi ai dhe shtoi se LSDM-ja dhe BDI-ja janë treguar “jo korrekte ndaj Alternativës”.

MARKETING