LSDM: Me ne rroga mesatare arriti në 40 mijë denarë

Ish kryeministrit Dimitar Kovaçevski ka deklaruar se me qeverisjen e LSDM-së, rroga mesatare në vend ka kapur shifra rekord prej 40 mijë denarëve.
Nga LSDM bëjnë krahasime të rrogës minimale dhe asaj mesatare gjatë qeverisjes së tyre dhe gjatë kohës kur me vendin qeveriste VMRO-DPMNE.

“Me LSDM-në, paga mesatare ka arritur rekord prej 40.000 denarë dhe ky është niveli më i lartë i rritjes së pagave në vendin tonë në histori. Për dallim nga koha e DPMNE-së, kur paga mesatare ishte 22.000 denarë ose mezi arrinte 360 euro, sot paga është 650 euro, që është një rritje prej 290 euro për vetëm pak vite. Përveç pagës mesatare, pason rritje e pagës minimale në mbi 22.500 denarë, pas harmonizimit të Ligjit për pagën minimale, që nga muaji i ardhshëm. LSDM-ja e rriti pagën minimale 4 herë për 6 vjet, ndërsa në kohën e DPMNE-së paga minimale ishte 8.050 denarë”, thonë nga LSDM.

MARKETING