MPB: Në Francë sekuestrohen 68 kilogramë kokainë sipas informatave operative të policisë së Maqedonisë

Shërbimet franceze të sigurisë, bazuar në informacionet operative të ofruara nga Ministria e Punëve të Brendshme të Maqedonisë, sekuestruan 68 kilogramë kokainë në stacionin e pagesës Fonten në Francë, njoftoi sot Ministria e Punëve të Brendshme.

MARKETING

Droga u gjet në një automjet motorik mallrash të drejtuar nga shtetasi maqedonas M.F. (44), dhe aksioni është rezultat i bashkëpunimit policor ndërkombëtar dhe shkëmbimit në kohë të informacionit operativ midis shërbimeve kompetente.

Nga MPB informojnë se informacioni operativ është siguruar nga Departamenti i Policisë Kriminale, përkatësisht Njësia e Trafikimit të Drogës, pas së cilës ai iu dorëzua autoriteteve franceze përmes Sektorit për Bashkëpunim Ndërkombëtar Policor dhe Europolit, të cilët kryen sekuestrimin.

Sipas Ministrisë, ky është operacioni i dytë ndërkombëtar i suksesshëm gjatë muajit të kaluar në të cilin informacioni i ofruar nga policia e Maqedonisë luajti një rol kyç.

Më parë, në bashkëpunim me policinë greke, u krye një operacion që rezultoi në sekuestrimin e 324 kilogramëve marijuanë.

MARKETING