K-15 në sektorin privat: Afati për pagesën e regresit deri më 31 dhjetor

Punëdhënësit në sektorin privat kanë edhe pak më shumë se dy muaj kohë për të paguar regresin për pushim vjetor, i njohur si K-15. Shuma minimale që punëtorët duhet të marrin këtë vit është rreth 19.560 denarë, ndërsa afati i fundit për pagesë është 31 dhjetori. Të drejtë për këtë kompensim kanë punëtorët që gjatë vitit kalendarik kanë të paktën gjashtë muaj marrëdhënie të pandërprerë pune te i njëjti punëdhënës. Regresi për pushim vjetor është kompensim i detyrueshëm vjetor në sektorin privat, që synon t’u ndihmojë financiarisht punonjësve për shpenzimet e pushimeve. Shuma e K-15 nuk është fikse, por llogaritet në bazë të pagës mesatare neto në vend gjatë tre muajve të fundit para muajit të pagesës.

MARKETING