Al-Hilal po shqyrton largimin e Benzemas, gjithçka varet nga gjetja e një sulmuesi të ri

Al-Hilal po shqyrton mundësinë e ndërprerjes së bashkëpunimit me Karim Benzeman gjatë kësaj vere, sipas raportimeve të gazetarit saudit Ahmad.

MARKETING

Klubi saudit po mendon t’i ofrojë sulmuesit francez një marrëveshje financiare për ta përfunduar kontratën, por vetëm nëse arrin të sigurojë paraprakisht një tjetër sulmues të aftë për të garantuar gola.

Lajmi vjen një ditë pasi Benzema reagoi me nervozizëm pas zëvendësimit të tij në minutën e 70-të, në fitoren 4-2 të Al-Hilalit ndaj Al-Faisaly në ndeshjen hapëse të kampionatit saudit.

Trajneri Simone Inzaghi e mbrojti francezin, duke thënë se reagimi i tij ishte i natyrshëm për një sulmues që dëshiron të qëndrojë në fushë.
Benzema iu bashkua Al-Hilalit si lojtar i lirë gjatë dimrit, pasi ndërpreu kontratën me Al-Ittihad.
Që nga transferimi, ish-sulmuesi i Real Madridit ka zhvilluar 14 paraqitje në të gjitha garat, duke shënuar 10 gola dhe dhuruar pesë asistime.

Pavarësisht statistikave pozitive, e ardhmja e tij në klub mbetet e pasigurt, ndërsa vendimi mund të varet nga aftësia e Al-Hilalit për të gjetur një alternativë në repartin ofensiv.

MARKETING