(VIDEO) Do të ndryshohet Ligji për të mundësuar dënime për personat e listës së zezë amerikane

Ndryshimet në Ligjin për Masa Kufizuese, ishte një nga temat e takimit të zëvendëskryeministres përgjegjëse për politika të qeverisjes së mirë, Sllavica Gërkovska dhe koordinatorit të Departamentit Amerikan të Shtetit për Anti-Korrupsion Global, Richard Nephew. Bëhet fjalë për Ligjin i cili duhet t’u mundësoj institucioneve të marrin masa, pas publikimit të emrave të veçantë në “listën e zezë” amerikane.

MARKETING

Takimi mes Gërkovskës dhe Nephew është zhvilluar në kuadër të Konferencës së shteteve nënshkruese të Konventës së Kombeve të Bashkuara (OKB) kundër korrupsionit, që po mbahet në Atalanta të SHBA-ve, informoi Qeveria.

Zëvendëskryeministrja Gërkovska ka bërë të ditur se javën e ardhshme duhet të mblidhet një grup pune i drejtuar prej saj. Gjithashtu, Qeveria njoftoi se Gërkovska i ka bërë të ditur zyrtarit amerikan se me iniciativën e saj ajo ka filluar procedurë për ndryshimet e Ligjit për Masat Kufizuese, që do të përfshijnë aktet juridike të SHBA-së.

Qeveria

“Ajo e njoftoi koordinatorin Nephew se me iniciativën e saj ka filluar një procedurë për ndryshimin e Ligjit për Masat Kufizuese, i cili do të përfshijë aktet juridike të SHBA-së, pas së cilës institucionet maqedonase do të kenë mundësi të marrin masa efektive pas publikimit të emrave konkretë në listën e sanksioneve të SHBA-së, për të cilat grupi i punës që ajo drejton do të mblidhet javën e ardhshme”.

Po ashtu Nephew, përshëndeti përpjekjet e zëvendëskryeministres Gërkovska për krijimin e mekanizmave efikase në trajtimin e korrupsionit.

Qeveria

“Ai dërgoi mesazh të qartë se Shtetet e Bashkuara të Amerikës, do të vazhdojnë të mbështesin përpjekjet e Republikës së Maqedonisë së Veriut për parandalimin e korrupsionit, duke përfshirë edhe masat që mundësojnë llogaridhënie për ata që dëmtojnë qytetarët dhe të ardhmen e vendit”.

Sipas tyre, kjo do të thotë se Nephew ka konfirmuar atë që disa herë e kishte paralajmëruar ambasadorja amerikane në vend, Angela Ageler, se lista e sanksioneve amerikane do të zgjerohet me emra të rinj të qytetarëve të Maqedonisë të përfshirë në korrupsion.

Përveç ish zëvendëskryeministrin për Çështje Ekonomike Koço Angjushev, në  “listën e zezë”amerikane janë edhe emrat e kryetarit aktual të Komunës së Strugës nga radhët e BDI-së Ramiz Merko, ish-kryeministri Nikolla Gruevski dhe ish-drejtorit të DSK-së, Sasho Mijalkov.

/SHENJA/

MARKETING