Mjafton goli i Guendouzit, Lazio në çerekfinale të Kupës së Italisë
![Mjafton goli i Guendouzit, Lazio në çerekfinale të Kupës së Italisë](https://shenja.tv/wp-content/uploads/2023/12/202059412-82ada654-d6a8-4f27-ba43-605a07d562fb.jpg)
Lazio kualifikohet në çerekfinale të Kupës së Italisë. Ekipit të drejtuar nga Maurizo Sarri i mjaftoi një gol i hershëm i shënuar nga Guendouzi për të eliminuar Genoan në “Olimpico”.
Po luhej minuta e pestë e ndeshjes kur Luca Pellegrini nxori në pozicion gjuajtjeje francezin, i cili e dërgoi me saktësi topin aty ku nuk mund ta arrinte portieri kundërshtar.
Në fazën çerekfinale me shumë mundësi do të luhet derbi i nxehtë Lazio – Roma, pasi në skuadra e Mourinhos do të përballet me një kundërshtar relativisht të lehtë siç është Cremonese.