Izraeli ka hedhur 18 mijë tonë bomba në Gaza, 1.5 herë më shumë se bomba e hedhur në Hiroshima

Ushtria izraelite ka hedhur 18 mijë tonë bomba në Rripin e Gazës që nga 7 tetori, ose rreth një herë e gjysmë më shumë se forca shpërthyese e bombës së hedhur në Hiroshima të Japonisë në Luftën e Dytë Botërore, sipas zyrtarëve në enklavën e rrethuar, raporton Anadolu.

Duke folur para mediave, Salama Marouf, kreu i zyrës së qeverisë për mediat, tha se forcat izraelite kanë shkatërruar gjithashtu 85 ndërtesa qeveritare në Gaza, duke shtuar: “Në Gaza, Izraeli ka shkatërruar 47 xhami dhe ka shkaktuar dëme të konsiderueshme në tre kisha. Sulmet kanë rezultuar në mbi 200 mijë ndërtesa të dëmtuara, ku 32,500 prej tyre janë bërë të pabanueshme, 203 shkolla kanë pësuar dëme të mëdha dhe 45 shkolla tani janë plotësisht jofunksionale. Për shkak të intensitetit të sulmeve, statistikat nuk janë ende të plota”.

Sipas Konventës së Gjenevës, sulmet ndaj objekteve të kultit, shkollave dhe strukturave të tjera civile janë të ndaluara. Izraeli ka pretenduar se militantët po strehohen brenda ose përreth këtyre ndërtesave.

“Ushtria izraelite masakroi 908 familje, duke shkaktuar vdekjen e mijëra njerëzve”, shtoi Marouf, duke shtuar se në sulmet izraelite janë vrarë gjithashtu gjithsej 35 gazetarë, 124 punonjës të kujdesit shëndetësor dhe 18 personel të mbrojtjes civile nga ekipet e shpëtimit emergjent.

MARKETING