Uji në Shkup është i sigurt për t’u pirë
Uji për pije në Shkup është i sigurt, tregojnë rezultatet e analizave fiziko-kimike dhe mikrobiologjike nga 49 pika matëse në qytet.
“Sektori për kontroll sanitar në periudhën prej 06.02.2023 deri më 10.02.2023 ka marrë 193 mostra për analizë fiziko-kimike dhe 193 mostra për analizë mikrobiologjike të ujit të pijshëm nga 49 pika matëse në Qytetin e Shkupit. Sipas rezultateve të marra nga analizat, të gjitha mostrat përputhen me Rregulloren për kërkesat për siguri dhe cilësi të ujit të pijshëm”, bëri të ditur NP “Ujësjellësi dhe Kanalizime – Shkup.
Këto rezultate janë pjesë e raportit javor për cilësinë dhe sigurinë e ujit të pijshëm, të marrë nga analizat e zbatuara në Sektorin për Kontroll Sanitar, i cili në fakt është laboratori i parë në shtet që e akrediton punën e tij sipas standardit ISO17025:2018.
MARKETING
