12 shoferë privohen nga liria, 10 prej tyre vozitën pa dhënë provimin e vozitjes

Dymbëdhjetë shoferë janë privuar nga liria gjatë 24 orëve të fundit në lokacione të ndryshme në vend, nën dyshimin për kryerjen e veprës penale „drejtim i pakujdesshëm i automjetit”, njofton Ministria e Punëve të Brendshme (MPB).

MARKETING

Sipas njoftimit, 10 prej tyre kanë drejtuar automjet pa e dhënë provimin e vozitjes, ndërsa dy të tjerë kanë qenë në timon pavarësisht se u ishte shqiptuar masa e ndalimit të drejtimit të automjetit.

Pas dokumentimit të plotë të rasteve, ndaj personave të përfshirë do të parashtrohen kallëzime penale përkatëse.

MPB-ja u bën apel qytetarëve që të respektojnë rregullat e komunikacionit dhe të mos drejtojnë automjet pa leje, gjatë kohës së ndalimit apo nën ndikimin e alkoolit, me qëllim rritjen e sigurisë në trafik.

MARKETING