(VIDEO) Zv/kryeministrja Gërkovska: Marrëveshja e korridoreve ka klauzulë sekrete

(VIDEO) Zv/kryeministrja Gërkovska: Marrëveshja e korridoreve ka klauzulë sekrete

Zëvendëskryeministrja për qeverisje të mirë, Sllavica Gërkovska, tha se marrëveshja me “Behtel dhe Enka”, për ndërtimin e korridoreve 8 dhe 10d,  kanë klauzulë sekrete. Ajo gjatë brifingut me gazetarët u shpreh se kjo marrëveshje nuk ka pse të mbetet e fshehur për publikun, dhe se opinioni e di se ka diçka sekrete në marrëveshjen e korridoreve.

Sllavica Grkovska, zëvendëkryeministre për qeverisje të mirë

“Deklarata ime e parë në lidhje me atë ishte se në princip nuk shohë arsye të mos publikohet për opinionin, vetëm nëse ka klauzulë sekrete që do të mund të ndikonte në një vendim të tillë, dhe se do të kontrollojë nëse ka klauzolë të tillë. Megjithatë, klauzolë e tillë ekziston, dhe opinioni është i informuar për një klauzolë të tillë”.

Për mekanizmin që kanë në dispozicion-paraljamërimet për zyrtarët që e shkelin kodin etik dhe keqpërdorin pozitën e tyre, Grkovska theksoi se pavarësisht se për kë bëhet fjalë, ata vendosin në bazë të argumenteve. Ndërsa, në lidhje me atë se a ka presione nga funksionerët, Grkovska nuk u përgjigjë.

Sllavica Grkovska, zëvendëkryeministre për qeverisje të mirë

“Pavarësisht nga çdo gjë dhe pavarësisht se për kë bëhet fjalë, ne vnedosim në bazë të argumenteve dhe është e qartë se nuk na shqetëson shumë se kush çfarë thotë”

Ajo më tej tha se kanë rekomanduar që çdo ministri dhe çdo institucion të ketë një përgjegjës për të zbatuar sa më mirë kodin e etikës.

Sllavica Grkovska, zëvendëkryeministre për qeverisje të mirë

“Jemi në drejtimin e duhur, është proces për faktin se deri më tani nuk kemi pasur raste të vendosjes së masave dhe paraljamërimeve për sjellje të tilla të zyrtarëve. Është një proces që shpresojmë se një ditë do të na çojë në një situatë ku vetëdija e zyrtarëve do të jetë në të njëjtin nivel siç është në shtetet e zhvilluara”

Zëvendëskryeministrja shtoi se nëse dikush vazhdon ta shkel kodin për të njëjtën gjë për të cilën është paralajmëruar, janë të obliguar që ta informojnë kryeministrin dhe ai të vendos se çfarë mase do të vendos. Masat janë për të kërkuar dorëheqje, shkarkim dhe vërejtje publike.

Linda Ebibi /SHENJA/

MARKETING