(VIDEO) LSDM: Pushtetarët në Gostivar ngrenë dolli, ndërsa qytetarët pinë ujë të kontaminuar

MARKETING

“Një qytet i tërë i helmuar nga uji i ndotur, 5,000 qytetarë kanë përfunduar në spital dhe ende nuk ka përgjegjësi”, kështu tha anëtarja e LSDM-së, Keti Shterjova duke shtuar se tashmë kanë kaluar më shumë se pesë javë nga katastrofa shëndetësore në Gostivar dhe askush nga qeveria nuk është duke mbajtur përgjegjës. Ajo thotë se zyrtarët dhe politikanët po ngrenë dolli, pinë ujë para kamerave, ndërsa qytetarët kanë pirë ujë të kontaminuar me fekale për një muaj të tërë.

Keti Shterjova, anëtare e LSDM-së

“Nëse Prokurori Publik Nenad Saveski kthehet nga ekskursioni i tij, pyesim nëse ka vepruar sipas kallëzimeve penale të ngritura nga LSDM? A ka përcaktuar se kush do të mbahet përgjegjës për katastrofën shëndetësore në Gostivar? A i ka thirrur Klekovskin, Andonovskën, Mickoskin, Toshkovskin për t’u marrë në pyetje? Kush do të mbahet përgjegjës për deklaratat se uji është i përshtatshëm për përdorim si “teknik” dhe pastaj se përmban shumë baktere të ndryshme?”

Ajo rikujtoi se Mickoski tha se uji ishte i përshtatshëm për përdorim teknik, Angelov dhe Klekovski konfirmuan se kishte baktere, dhe Toshkovski po kryente hiperklorinim. Ajo potencon se nuk kishte asnjë raport zyrtar dhe analizë të plotë të ujit para publikut, ndaj thotë se duhet të ketë përgjegjësi politike dhe penale për katastrofën në Gostivar.

Sipas saj, e njëjta gjë vlen edhe për sulmin ndaj aktivistëve të rinj në Novo Selo. Ajo thekson se kanë kaluar ditë nga sulmi, dhe publiku ende nuk ka një përgjigje që do t’i përshtatet. Paditë penale të ngritura kundër LSDM-së janë për krime të rënda, ndaj Prokuroria nuk mund të heshtë.

“5 ton drogë kaluan kufirin dhe askush nuk u mbajt përgjegjës për këtë. Sekucione të filmuara të 100 ton marihuanë, njoftime dhe gjyqe publike, dhe në fund, asgjë”, deklaroi Shtrejova.

Anida Murati /SHENJA/

MARKETING