(VIDEO) Kryeministri paralajmëron ngrirjen e çmimeve të produkteve të tjera

(VIDEO) Kryeministri paralajmëron ngrirjen e çmimeve të produkteve të tjera

Qeveria ka bërë obligim që furrtarët të prodhojnë dhe të bëjnë  shpërndarjen  e bukës së bardhë dhe gjysmë të bardhë, ndërsa  tregtarët të furnizohen dhe ta shesin. Qeveria gjithashtu i ka obliguar prodhuesit që buka mos të shitet më shumë se 33 denarë në mbledhjen e fundit  qeveria  gjithashtu ka vendosur që tregtarët të cilët paraqesin persona fizik apo juridik, që janë regjistruar për kryerje të veprimtarisë tregtare në regjistër adekuat në pajtim me ligjin, në përputhje me vendimin qeveritar, kanë për obligim në strukturën e furnizimit ditor të të gjitha llojeve të bukës, të furnizohen dhe të shesin së paku 80 për qind të bukës së bardhë dhe gjysmë të bardhë.

Kryeministri, Dimitar Kovaçevski tha se nuk do të lejojnë përfitime në kurriz të qytetarëve.

DIMITAR KOVAÇEVSKI-KRYEMINSITËR I MAQEDONISË SË VERIUT

“Të fitohet në kurriz të qytetarëve tani kur të gjithë duhet të tregohemi solidar, për mua është shumë e pakuptimtë dhe më e keqja që mund ta bëjë një kompani. Nga ana tjetër kemi kompani që janë të përgjegjshme dhe po i kryejnë punët e tyre sipas rekomandimeve dhe vendimeve të qeverisë”.

Kryeministri sqaroi se në ministrinë e Ekonomisë po bëhen analiza edhe për çmimet e prodhimeve tjera dhe në të ardhmen mund të ketë ngrirje të çmimeve edhe të produkteve tjera elementare.

Ndërkaq,  Inspektorati Shtetëror i Tregut edhe gjatë ditës së djeshme ishte në terren për të parë se sa respektohet ky vendim, dhe nga atje njoftojnë se  kanë vendosur  gjobat e para për mosbindje ndaj vendimit.

Në 234 kontrolle të kryera nga inspektorët, janë konstatuar parregullsi në tri kompani nga Shkupi dhe një nga Kumanova që shisnin bukë me çmim më të lartë se 33 denarë. Inspektorët kanë shqiptuar gjoba prej mbi 300.000 denarë ndaj këtyre kompanive.

Samir Mustafa /SHENJA/

 

MARKETING