Ukraina: 29 qytete dhe fshatra u përmbytën nga dëmtimi i digës

Dëmtimi i digës Kakhovka ka rezultuar në përmbytjen e 29 qyteteve dhe fshatrave përgjatë lumit Dnipro, ka njoftuar të mërkurën ministri i Brendshëm, i Ukrainës, Ihor Klymenko, raportoi BBC-ja.

MARKETING

Klymenko ka thënë se 10 prej këtyre qendrave ishin në anën ukrainase të lumit, ndërsa nëntë të tjera përgjatë bregut të majtë të pushtuar nga Rusia.

Oleksandr Prokudin, kreu i administratës ushtarake të Ukrainës në Kherson, ka thënë se Ukraina ka evakuuar rreth 1700 njerëz nga zonat e përmbytura, që nga ora 13:00 me orën lokale.

Presidenti rus, Vladimir Putin, e ka portretizuar thyerjen e digës Kakhovka si një sulm të qëllimshëm, duke e cilësuar atë akt barbar.

Udhëheqësi rus i ka thënë homologut të tij turk se incidenti ka çuar në një “katastrofë mjedisore dhe humanitare në shkallë të gjerë”.

Si Ukraina ashtu edhe Rusia akuzojnë njëra-tjetrën për dëmtimin e digës.

MARKETING