Totre i prerë: Në Tetovë vini kot, pikët i merr Shkëndija

Mesfushori i Shkëndijës, Ennur Totre ka folur për kanalin zyrtar të kuqezinjve në prag të ndeshjes ndaj Akademija Pandev, ka vlerësuar kundërshtarin, por ka bërë thirrje që skuadra të marrë një tjetër fitore për vazhdimësinë.

Si është atmosfera pas fitores me Rabotnickin?
Normalisht këto tre pikët me Rabotniçkin skuadrës i japin një motiv shtesë. Shkëndija si klub synon të fitojë çdo përballje, mirëpo ndeshjet i marrim njëra pas tjetrës dhe do të shkojmë për tre pikët e rradhës edhe përballë Akademia Pandevit.

Tani kërkohet vazhdimësija ndaj Akademija Pandev…
Realisht në start të gjysmë-sezonit pranveror nuk kemi qenë në nivelin që është pritur edhe nga publiku edhe nga vetë ne brenda klubit. Por ne mundohemi të japim maksimumin dhe të marrim gjitha pikët e mundshme në ndeshjet e mbetura.

Sa e njihni kundërshtarin?
Një ekip që ka bërë merkato të mirë dhe këtë e tregojnë edhe rezultatet e tyre. Besoj se ata në Tetovë vijnë me ambiciet e tyre, mirëpo si ata dhe çdo ekip tjetër, nuk ka çka kërkon në Tetovë dhe besoj se tre pikët do të mbeten në konton tonë.

MARKETING