Studentët në Holandë okupojnë Universitetin e Utrechtit për shkak të lidhjeve me institucionet izraelite

Studentët në Universitetin e Utrechtit kanë nisur një okupim të kampusit, duke kërkuar që universiteti të ndërpresë të gjitha lidhjet me institucionet izraelite, raporton Anadolu.

Studentët protestues, të cilët e kanë nisur okupimin që nga e hëna, akuzojnë universitetin për bashkëpunim në atë që atë e përshkruajnë gjenocid ndaj palestinezëve, mes sulmeve të vazhdueshme izraelite në Rripin e Gazës.

Duke përballuar motin e ftohtë, studentët deklarojnë se nuk do të largohen nga kampusi derisa të plotësohen kërkesat e tyre.

Universiteti i Utrechtit u përgjigj duke theksuar se do të rishikojë bashkëpunimet e tij ekzistuese me institucionet izraelite dhe se deri në fund të javës së ardhshme pritet të merret një vendim.

Kjo shënon okupimin e parë të universitetit në Holandë këtë vit. Demonstrata të ngjashme kanë ndodhur në kampus edhe në të kaluarën, përfshirë një okupim të oborrit të bibliotekës së universitetit saktësisht një vit më parë.

MARKETING