Struga kundërshtar i fortë për Pelisterin, nesër luhen 5 ndeshje tjera

Struga Trim Lum ka mundur 4:1 Pelisterin në ndeshjen hapëse të xhiros së 26-të në elitën e futbollit vendor. Rezultati u zhbllokua në minutën e 22-të kur Kehinde shënoi nga pika e bardhë për epërsi 1:0 të vendasve. Gëzimi i Strugës nuk zgjati shumë pasi 8 minuta më vonë Ristevski nga pika e bardhë u tregua i saktë duke barazuar shifrat në 1:1. Pjesa e dytë foli për kampionët në fuqi, pasi dërguan 3 herë topin në rrjetë me anë të Vllajkoviq, Shabani dhe Kehinde për rezultatin përfundimtar 4:1.

Ndryshe xhiroja e 26-të në elitë kompletohet të dielën me 5 takimet tjera që do të luhen nga ora 15:00. /SHENJA/

MARKETING