Shtetet me të cilat Maqedonia e Veriut ka shkëmbimin më të madh tregtar

Maqedonia e Veriut ka shënuar një deficit tregtar prej 604.7 milionë euro gjatë dy muajve të parë të vitit 2025. Në krahasim me të njëjtën periudhë të vitit të kaluar, të dyja eksporti dhe importi kanë regjistruar rritje.

Sipas të dhënave të Entit Shtetëror të Statistikave, vlera e mallrave të eksportuara nga Maqedonia e Veriut në periudhën janar-shkurt 2025 ka arritur në 1.2 miliardë euro, ndërsa vlera e importit ka shkuar në 1.8 miliardë euro. Kjo ka rezultuar në një mbulim të importit me eksport prej 67 përqindësh.

Krahasuar me periudhën e njëjtë të vitit të kaluar, eksporti ka shënuar një rritje prej 1.8 përqind, ndërsa importi është rritur me 5.1 përqind.

Po ashtu, Enti Shtetëror i Statistikave raporton se në periudhën janar-shkurt 2025, Maqedonia e Veriut ka intensifikuar shkëmbimet tregtare me disa shtete, përfshirë Gjermaninë, Britaninë e Madhe, Greqinë, Serbinë dhe Bullgarinë.

MARKETING