Shefi i OKB-së: 43,000 njerëz të vdekur si rezultat i konflikteve të armatosura në 2022

Shefi i OKB-së: 43,000 njerëz të vdekur si rezultat i konflikteve të armatosura në 2022

Kreu i OKB-së tha se rreth 43,000 njerëz kanë vdekur si rezultat i konflikteve të armatosura në vitin 2022 dhe ai paralajmëroi se lufta po shkatërron jetët në mbarë botën.

“Vitin e kaluar, 94 për qind e viktimave në zonat e populluara ishin civilë,” tha Antonio Guterres gjatë një takimi të Këshillit të Sigurimit të OKB-së për mbrojtjen e civilëve në konfliktet e armatosura. “Numri i përgjithshëm i personave që janë larguar nga shtëpitë e tyre për shkak të konfliktit, dhunës, shkeljeve të të drejtave të njeriut dhe persekutimit arriti në 100 milionë”.

Ai tha se konfliktet po nxisin sigurinë globale të ushqimit.

“Vitin e kaluar, më shumë se 117 milionë njerëz u përballën me urinë akute kryesisht për shkak të luftës dhe pasigurisë”, tha Guterres.

 

 

“E vërteta e tmerrshme është se bota po dështon të përmbushë angazhimet e saj për të mbrojtur civilët; angazhimet e mishëruara në të drejtën ndërkombëtare humanitare,” tha ai.

Guterres kërkoi që kriminelët të ndëshkohen dhe të vihen para drejtësisë.

MARKETING