SHBA: Nuk duam të shohim spitalet të goditura nga ajri

Zëdhënësi i Departamentit të Shtetit të SHBA-së, Matthew Miller tha se nevojitet më shumë karburant në Gaza dhe se kjo është e nevojshme jo vetëm për kamionët e ndihmës, por edhe për spitalet dhe shërbimet e tjera humanitare, raporton Anadolu.

Në konferencën për media, Miller u pyet nga gazetari i Anadolu se “A jeni dakord me idenë se Izraeli përdor karburantin si armë në luftë? dhe “A mund të na tregoni për qasjen e SHBA-së për karburantin që hyn në Gaza?”.

Miller, i cili nuk bëri dha deklaratë nëse Izraeli e përdor karburantin si armë, tha: “Ne pajtohemi që më shumë karburant të hyjë në Gaza”.

Ai tha se po i bëjnë presion qeverisë izraelite për këtë çështje dhe theksoi se kjo lëndë djegëse është e nevojshme jo vetëm për kamionët, por edhe për spitalet dhe shërbimet e tjera humanitare.

“Ne nuk duam t’i shohim spitalet të goditur nga ajri”

Lidhur me shënjestrimin e spitaleve në Gaza nga Izraeli, Miller tha: “Ne nuk duam t’i shohim spitalet të goditen nga ajri”.

Ndërsa përsëriti pretendimet se Hamasi përdor spitalet si “shtabe”, Miller tha: “Mund të jetë e përshtatshme që Izraeli të kryejë operacione të kufizuara ushtarake në spitale, por ne duam që dëmet ndaj civilëve të minimizohet këtu. Nuk duam të shohim spitalet në mes të konflikteve”.

MARKETING