Sfidë spektakolare me 7 gola, Messi ia dhuron fitoren PSG-së kundër Lille
Paris Saint Germain (PSG) është rikthyer te fitoret, teksa ka mposhtur Lillen në një ndeshje spetakolare me rezultat 4-3.
Vetëm pas 11 minutave lojë, PSG-ja ka kaluar në epërsi kur Kylian Mbappe, ka realizuar për 1-0 pas asistimit nga Neymar.
Parisienët nuk janë ndalë me kaq, ku gjashtë minuta më vonë braziliani Neymar ka shënuar për 2-0, ku kësaj radhe është asistuar nga Vitinha.
Megjithatë pas epërsisë së dy golave, vendasit ulën tempon e lojës dhe këtë e shfrytëzuan mysafirët.
Në minutën e 24-të, Diakhite ka realizuar për të ngushtuar epërsinë në 2-1.
Me epërsinë minimale të vendasve 2-1 kanë përfunduar 45 minutat e para.
Në pjesën e dytë mysafirët e kanë gjetur golin e barazimit, kur Jonathan David ka realizuar për 2-2 në minutën e 58-të nga penalltia.
Vetëm 11 minuta më vonë, Lille ka gjetur edhe njëherë golin, kësaj radhe me Bamban që ka realizuar pas asistimit nga Gomes për 2-3.
Kylian Mbappe është shfaqur sërish në skenë në minutën e 87-të për të realizuar golin e dytë personal dhe për ta shpëtuar Parisin nga humbja duke barazuar shifrat në 3-3.
Por, kur të gjithë prisnin që ndeshja të kryhej baras, Leo Messi, ka dalë në skenë për të realizuar për 4-3.
PSG-ja vazhdon në krye të tabelës me 57 pikë, derisa Lille mbetet e pesta me 41 sosh.
MARKETING
