Sërish anulohet seanca për “Llaskarcën”, eksperti ende i sëmurë

Për shkak të gjendjes jo të mirë shëndetësore të ekspertit Zekiria Zekiri, është shtyrë seanca e sotme për rastin “Llaskarca”.
Ky është anulimi i dytë i procesit, pasi në seancën e kaluar Këshilli Gjyqësor ka njoftuar se eksperti Zekiria Zekiri përmes anëtarëve të tjerë të ekipit që ka përgatitur superekspertizën, ka njoftuar se nuk do të vijë për arsye shëndetësore.

Siç informoi prokurori publik Darko Jakimovski, gjykata menjëherë para seancës i ka njoftuar se gjendja shëndetësore e ekspertit ende nuk është e mirë, me paralajmërim se në seancën e radhës të caktuar për 16 shkurt do të përmirësohet dhe eksperti do të vijë në gjykatë.

Sipas prokurorit, koncepti i ekspertimit bazohet pikërisht në dëshminë e ekspertit konkret që e mori në pyetje për rrethanat e vërtetuara në superekspertizën makinerike.
Superekspertiza e urdhëruar nga Gjykata në dhjetor 2021 është refuzuar nga fakultetet shtetërore, me arsyetimin se ekspertët e tyre tashmë kanë marrë pjesë në ekspertizën e mëparshme, ose nuk kanë qenë kompetentë për të. Pas refuzimit të fakulteteve, lënda është dërguar në Byronë e Ekspertizës Ligjore, e cila ka aftësinë të formojë një ekip ekspertësh të licencuar që do të kryejnë superekspertizë. Superekspertiza mbërriti në Gjykatën Penale në dhjetor. Më pas vijoi fillimi formal i procesit, pas së cilës ka filluar dëgjimi i ekspertëve që kanë përgatitur raportin.

Ndryshe, të akuzuar në rastin e aksidentit në afërsi të Llaskarcës, e që ndodhi më 13 shkurt 2019, ku humbën jetën 16 persona dhe mbetën të plagosur rëndë mbi 30, është Durmish Beluli, pronari i kompanisë “Durmo Tours”, personi përgjegjës për transportin në kompania Remzi Miftari dhe shoferi i autobusit Manoil Trifunovski të cilët akuzohen për vepra të rënda kundër sigurisë së njerëzve dhe pronës në komunikacion. Ndërkaq për të njëjtën vepër akuzohen tre punonjësit e stacionit të kontrollit teknik, Igor Gjorgjievski, Goran Dukovski dhe Jane Bovarski.

MARKETING