Seanca gjyqësore për Zhan Mitrevin është shtyrë për më 5 prill

Seanca gjyqësore për kardiokirurgun Zhan Mitrev është shtyrë për më 5 prill, me këkesë të mbrojtjes, për shkak të nevojës për kompletim të ekipit juridik të mbrojtjes.

Në Gjykatën penale në Shkup sot duhej të fillonte gjykimi për kardiokirurgun Zhan Mitrev dhe spitlain e tij privat.

Prokuroria themelore publike – Shkup parashtroi aktakuzë kundër mjekut Zhan Mitrev, si person fizik dhe Propozim të prokurorisë kundër spitalit të tij, si person juridik, për veprën e vazhduar penale “mashtrim” nga neni 247 i Kodit penal.

Siç informuan nga PTHP Shkup për këtë lëndë, nuk bëhet fjalë për “mashtrim të pacientëve”, përkatësisht ndërgjegjshmëria dhe pandërgjegjshmëria e mjekimit nuk është lëndë e kësaj vepre penale, por për mashtrim klasik, përkatësisht mbulim të fakteve kyçe në rpaort me hemifiltrimin, metodë për të cilën pacientët nuk ishin qartë të informuar për të gjitha efektet e saj pozitive dhe negative, me çka ata u sollën në hamendje, ndërkaq me qëllim të përfitim kundërligjor të dobisë pronësore.

Lënda është formuar pas zërave të arritur, pasi që IRL vitin e kaluar e publikoi dokumentarin “Gjaku i papastër”, në të cilin zbardhi se spitlai privat “Zhan Mitrev” u ka marrë pacientëve shuma të larta parash për hemofiltrim gjatë mjekimit nga Kovid-19, pas çka ishte hapur edhe lënda në PTHP Shkup

MARKETING