Seanca gjyqësore për Muhamed Zekirin shtyhet për më 6 qershor

Gjyqi mbi ish-sekretarin e përgjithshëm në qeveri, Muhamed Zekiri, i cili u akuzua për “shpërdorim të pozitës dhe mashtrim”, u shty për më 6 Qershor, kjo ngaqë dëshmitari kryesor nuk arriti të vinte sot në seancë.

Mbrojtësi Aleksandër Trajkovski tha se dëshmitari Goran Anastasievik për arsye shëndetësore është penguar të paraqitet në seancën e sotme, pas së cilës gjykata për shkak të mospërmbushjes së supozimeve ligjore për mbajtjen e seancës e ka shtyrë për më 6 qershor.
Prokuroria e akuzon Zekiri se në periudhën e prej prill 2021 – janar 2022, në rolin e sekretarit gjeneral në Qeveri, pa kryer shpallje publike, ka lidhur kontratë konsulencash me një kompani, që ka vlerën një milion euro, ndërsa janë paguar 147.000 euro veçmas çmimit të
mëparshëm prej 795.000 euro.
Procesin gjyqësor e udhëheq gjykatësja Fanka Jançulleva Mihajllovska kurse përfaqësuese e prokurorisë është prokurorja Katerina Kollareviq.

MARKETING