Rinisin bisedimet për armëpushimin në Gaza

Ndërsa të gjithë presin sulmin hakmarrës të Izraelit ndaj Iranit, negociatat për një armëpushim të mundshëm dhe lirimin e pengjeve mund të rifillojnë në ditët në vijim.

MARKETING

Një delegacion izraelit do të niset për në Katar të dielën, ndërsa në Kajro një delegacion i Hamasit i kryesuar nga Khalil al-Haya – një pasardhës i mundshëm i liderit të vrarë Yahya Sinwar – u takua me kreun e shërbimit inteligjent egjiptian, Hassan Mahmud Rashad.

Në të njëjtën kohë, Sekretari i Shtetit i Shteteve të Bashkuara, Anthony Blinken ishte në Doha ku diskutoi çështjen e armëpushimit.

Uashingtoni ka thënë se vrasja e liderit të organizatës islamike palestineze dhe organizatorit të sulmeve të 7 tetorit, Yahya Sinëar mund të jetë një pikë kthese për rifillimin e bisedimeve për t’i dhënë fund luftës.

Sipas Agence France-Presse, një zyrtar i lartë i Hamasit tha se delegacioni i organizatës palestineze thuhet se theksoi se Hamasi është gati të bie dakord për t’i dhënë fund armiqësive në Rripin e Gazës nëse Izraeli angazhohet për kushtet e ndonjë marrëveshjeje.

MARKETING