Rashford: Jemi rritur shumë si ekip

Humbja turpëruese ndaj Liverpool ndonëse ende e freskët, duket se është harruar nga “bomberi” i Manchester United këtë sezon Marcus Rashford.

Në konferencën për shtyp para përballjes së nesërme të 1/8-ve, të UEFA Europa League, ndaj Real Betis, Rashford ka konfirmuar edhe një herë formën e mirë që skuadra ka kaluar gjatë këtij sezoni.

“Ndoshta gjëja kryesore është se unë arrita në formë të përshtatshme për sezonin.

Unë isha 100% i aftë. Kam pasur një kamp të mirë stërvitor në verë me ekipin para sezonit. Ne kishim një trajner të ri dhe një mënyrë të re loje dhe ishte emocionuese për mua.

Thjesht doja të jepja gjithçka që munda dhe që atëherë nuk e kam kthyer kokën pas.

Ndjej se jemi rritur shumë si ekip dhe fituam ndeshje të mëdha me stilin tonë të lojës. Ka kohë që nuk mund të ulem këtu dhe ta them këtë.

Ne kemi mundur ekipe të mëdha në të kaluarën dhe kemi fituar ndeshje të mëdha, por gjithmonë na është dashur ta bëjmë atë në një mënyrë të ndryshme nga do të preferonim ta bënim.

Këtë sezon kemi bërë më të mirën për të luajtur futboll dhe për të fituar ndeshjet”,- është shprehur Rashford..

MARKETING