Përfundon pa fitues drama e katër golave mes Milanit dhe Fiorentinës

Milani ka luajtur baras me rezultat 2-2 ndaj Fiorentinës në shtëpi në kuadër të javës së 31-të në elitën e futbollit Italian.

Mysafirët kaluan në epërsi në minutën e shtatë falë një autogoli të shënuar nga Malick Thiaë për rezultatin 1-0.

Nuk kaloi shumë kohë para se Fiorentina të gjente edhe golin e dytë përmes Moise Kean (10’) i cili shënoi në portën e zbrazët për 2-0.

Në minutën e 21-të, Albert Gudmundsson pati një rast të artë shënimi, por Mike Maignan bëri një super pritje për t’ia mohuar golin.

Reagimi i Milanit erdhi në minutën e 23-të, duke arritur që të shënojnë për 2-1 me anë të Tammy Abraham pas asistimit nga Christian Pulisic.

Po luhej minuta e 51-të kur Maignan e shpëtoi sërish Milanin nga një gol i sigurt, duke ndalur për mrekulli goditjen e Kean.

Në minutën e 56-të Milani pati tri raste të njëpasnjëshme me Reijnders, Pulisic dhe Gimenez, por De Gea nuk lejoi që të mposhtej.

Pas përpjekjeve të vazhdueshme, ‘Rossonerët’ e gjetën golin e barazimit në minutën e 64-të përmes Luka Jovic i cili realizoi për 2-2 pas asistimit nga Youssouf Fofana.

Kean pati sërish një rast ideal për gol në minutën e 86-të, por hasi sërish në rezistencën e Maignan i cili ishte ‘hero’ i Milanit në këtë ndeshje.

Pas këtij barazimi, Milani shkon në kuotën e 47 pikëve dhe mban pozitën e nëntë në tabelë, teksa Fiorentina gjendet në pozitën e gjashtë me 52 sosh./

MARKETING