Para vdekjes ai tha “Lavdi Ukrainës” – zbulohet se kush është i burgosuri i paarmatosur i luftës që u vra nga rusët

Një ushtar ukrainas i ekzekutuar nga rusët është Tymofiy Shadura, një ushtar i Brigadës së 30-të të Mekanizuar të Veçantë, sipas të dhënave paraprake.
Kjo është bërë e ditur nga Tokësore të Forcave të Armatosura të Ukrainës, shkruan Ukrinform.

“Dje në rrjetet sociale dhe mediat masive u shpërnda një pamje ku shihet një ushtarak i Forcave të Armatosura të Ukrainës duke u qëlluar nga pushtuesit rusë pasi tha ‘Lavdi Ukrainës!’. Sipas të dhënave paraprake, i ndjeri është Tymofiy Mykolayovych Shadura, një ushtarak i Brigadës së 30-të të Mekanizuar të Veçantë”, thuhet në raport.

Shadura është konsideruar i zhdukur që nga 3 shkurti 2023 pas luftimeve në Bakhmut, rajoni Donetsk.

Reagime nga Ukraina për vrasjen nga rusët të një të burgosuri lufte të paarmatosur – pasi pamjet u shfaqën në internet

Dhe trupi i ushtarakut ukrainas ndodhet aktualisht në territorin e pushtuar përkohësisht.

Megjithatë, konfirmimi përfundimtar i identitetit do të bëhet pasi trupi është kthyer dhe të bëhen ekzaminimet përkatëse.

Një pamje e pushtuesve rusë që qëllojnë një ushtar ukrainas për shprehjen “Lavdi Ukrainës!” u shfaq në internet.

Më 6 mars, departamenti kryesor i hetimit i Shërbimit të Sigurisë Shtetërore të Ukrainës SBU nisi procedimin penal pasi u shfaqën pamjet që tregonin një ushtar ukrainas të qëlluar nga rusët.
Ukraina është zotuar të gjejë ushtarët rusë që me sa duket vranë një të burgosur lufte të paarmatosur ukrainas, pasi pamjet u shfaqën në internet.

“Ne do t’i gjejmë vrasësit”, tha presidenti Volodymyr Zelensky vonë të hënën.

Një reagim lidhur me këtë rast ka ardhur edhe nga ministri i Jashtëm, Dmytro Kuleba, i cili bëri thirrje për një “hetim të menjëhershëm” nga Gjykata Ndërkombëtare Penale.

MARKETING