Mickoski: Dy ditë më parë “Bechtel dhe Enkës” janë paguar 120 milionë euro

Vazhdojnë akuzat për qeverinë nga opozita në lidhje me ndërtimin e korridoreve 8 dhe 10 D. Lideri i VMRO-DPMNE-së Hristijan Mickoski deklaroi se shteti para dy ditësh  ia ka paguar shumën prej 120 milionë eurosh kompanisë “Bechtel dhe Enka”, kompanisë që do të ndërtojë   korridoret  8 dhe 10D.

“Kam informacione të sigurta se para dy ditësh janë transferuar para nga thesari përmes Ministrisë së Transportit dhe Lidhjeve në Ndërmarrjen Publike për rrugë shtetërore , rreth 7 miliardë e 250 milionë denarë, përkatësisht rreth 120 milionë euro. Unë supozoj se paratë tashmë duhet të derdhen në llogarinë e kompanisë kontraktore për këto pjesë të korridoreve 8 dhe 10d”, ka deklaruar Mickoski, raporton SHENJA.

Mickoski ka përsëritur  se nuk janë kundër ndërtimit të korridoreve, as kundër që kompania të mbrojë interesat e saj, por janë  kundër siç thotë Mickoski,  shitjes së interesave kombëtare dhe shtetërore nga politikanët aktualë në pushtet. /SHENJA/

MARKETING