Aksident tragjik në rrugën Kërçovë-Gostivar, ka të vdekur

Një aksident i rëndë komunikacioni ka ndodhur mbrëmjen e sotme në rrugën magjistrale Kërçovë-Gostivar, përkatësisht në afërsi të fshatit Trapçindoll, ku për pasojë kanë humbur jetën tre persona, ndërsa tetë të tjerë janë lënduar.

Nga MPB njoftojnë se aksidenti është raportuar në ora 20:55 dhe në të janë përfshirë tri automjete.

“Sipas informacioneve fillestare, nga lëndimet e marra kanë ndërruar jetë tre persona. Tetë persona të tjerë janë lënduar, ku disa prej tyre janë dërguar në Spitalin e Kërçovës, ndërsa të tjerët janë transferuar në Spitalin Klinik ‘Nënë Tereza’ në Shkup,” thuhet në njoftimin e MPB-së.

Për shkak të aksidentit, qarkullimi në këtë segment rrugor është ndaluar në të dy drejtimet për të gjitha mjetet.

MARKETING