Maqedonia humb kontrolluesen nga Kroacia në Rijeka
![Maqedonia humb kontrolluesen nga Kroacia në Rijeka](https://shenja.tv/wp-content/uploads/2024/06/27e99534-6432-44ed-a4dc-ed1675884474.jpg)
Përfaqësuesja e Maqedonisë së Veriut në futboll ka humbur ndeshjen kontrolluese në Rijeka, duke u mundur me rezultat 3:0 nga Kroacia. Ndeshja kaloi nën dominimin e kroatëve, me pjesën e parë që u mbyll me rezultat 2:0 në favor të përfaqësueses vendase.
Dy golat për kroatët i realizoi Majer në minutat 10-të dhe 45-të, teksa Maqedonia kishte dy raste të mira, por që nuk arriti ti realizoj.
Në fraksionin e dytë Kroacia gjeti edhe njëherë tjetër rrjetën, kësaj radhe me Pashaliq në minutën e 79-të, për shifra finale 3:0 të këtij takimi.
Pas kësaj ndeshje, Maqedonia rikthehet në Shkup, ndërsa me 10 qershor do të përballet me Çekinë në një kontrolluese tjetër të këtij muaji. /SHENJA/