Logos-A dhuron libra për nxënësit – pasurohet biblioteka e shkollës “Zhivko Brajkovski” në Butel

Shtëpia Botuese Logos-A ka bërë një dhuratë të çmuar për nxënësit e shkollës sonë, duke kontribuar me një sasi të konsiderueshme librash në pasurimin e bibliotekës shkollore.

Në një atmosferë të ngrohtë dhe mikpritëse, përfaqësuesit e shkollës shprehën mirënjohjen e tyre të thellë për këtë akt bujarie, i cili vjen si dëshmi e mbështetjes së vazhdueshme që Logos-A i jep arsimit dhe kulturës në vend.

“Kjo ndihmesë është më shumë se një dhuratë. Ajo është një investim në të ardhmen e nxënësve tanë dhe në zhvillimin e shprehive të leximit që i shoqëron ata gjatë gjithë jetës,” u shpreh drejtuesi i shkollës.

Dhurata përfshin një përzgjedhje të gjerë librash, të përshtatshëm për grupmosha të ndryshme dhe të përzgjedhur me kujdes për të nxitur mendimin kritik, imagjinatën dhe dashurinë për dijen.

Nga ana e saj, Shtëpia Botuese Logos-A thekson se kjo është vetëm një ndër iniciativat që synojnë të forcojnë lidhjet mes librit, nxënësit dhe institucionit arsimor, duke theksuar se kultura dhe arsimi janë vlera që duhen përkrahur dhe ndarë.

MARKETING