LAMM: Nuk ka pritje të gjata në pikat kufitare

Komunikacioni në rrugët shtetërore në vend po zhvillohet pa probleme dhe kryesisht në rrugë të thata, ndërsa intensiteti i trafikut jashtë zonave urbane është mesatar, njofton Lidhja Auto-Moto e Maqedonisë (LAMM).

MARKETING

Sipas informacioneve të LAMM-së, aktualisht nuk ka pritje apo vonesa më të gjata në pikat kufitare në anën e Maqedonisë së Veriut, si për hyrje ashtu edhe për dalje nga vendi.

LAMM u bën apel drejtuesve të automjeteve që të përshtatin shpejtësinë, të respektojnë sinjalistikën rrugore dhe të drejtojnë me kujdes, veçanërisht në rrugët që kalojnë nëpër lugina dhe gryka.

Kujdes i shtuar rekomandohet për shkak të mundësisë së rrëshqitjeve të dheut, sidomos në këto akse rrugore:

• Katllanovë–Veles;
• Mavrovë–Dibër–Strugë;
• Vinicë–Berovë;
• Koçan–Dellçevë.

Autoritetet apelojnë për kujdes të shtuar gjatë vozitjes, me qëllim të rritjes së sigurisë në komunikacion.

MARKETING