Kovaçevski – Nefju: Vazhdon mbështetja e partneritetit strategjik me SHBA-në në ndërtimin e sistemit efikas për luftë kundër korrupsionit

Gjendja aktuale lidhur me luftën kundër korrupsionit dhe masat dhe aktivitetet të cilat i ndërmerr Qeveria në drejtim të zgjidhjeve sistemike për përballim me korrupsionin në çdo nivel, duke e përfshirë edhe korrupsionin e lartë, ishin temë e bisedimeve të takimit të sotëm në Shkup midis kryeministrit Dimitar Kovaçevski dhe Riçard Nefju, koordinator global për antikorrupsion të Departamentit Amerikan të Shtetit.

Në takim, informojnë nga shërbimi për shtyp i Qeverisë, folësit në mënyrë të përbashkët konstatuan se angazhimet të cilat bëhen në luftën me korrupsionin janë vegla kryesore për ndërtimin e besimit të qytetarëve në institucione. Në këtë drejtim me rëndësi thelbësore është ndërtimi i kapaciteteve në sferën e qeverisjes të së drejtës dhe shtetit ligjor.

“Kryeministri Kovaçevski shprehu falënderim për mbështetjen e përgjithshme dhe bashkëpunimin të cilin falë partneritetit të afërt strategjik me SHBA-në, realizohet në Maqedoninë e Veriut. Mbështetja është kurciale në vendosjen e sistemit efikas për eleminimin e konfliktit të interesave, si edhe për parandalimin e korrupsionit”, theksuan nga Qeveria.

MARKETING