Komunikacioni zhvillohet pa pengesa, hyn në fuqi obligimi për pajisje dimërore

Komunikacioni zhvillohet pa pengesa, hyn në fuqi obligimi për pajisje dimërore

Komunikacioni në rrugët shtetërore këtë mëngjes po zhvillohet pa pengesa, kryesisht nëpër rrugë me lagështi, njofton Lidhja Auto-Moto e Maqedonisë (LAMM).

MARKETING

Shik.mk

Intensiteti i trafikut jashtë zonave urbane është mesatar, ndërsa në vendkalimet kufitare nga ana e Maqedonisë nuk ka pritje më të gjata për hyrje dhe dalje nga shteti.

Nga LAMM rikujtojnë se nga 15 nëntori ka hyrë në fuqi obligimi ligjor për posedimin e detyrueshëm të pajisjeve dimërore në automjete, pavarësisht kushteve aktuale atmosferike. Ky obligim do të zgjasë deri më 15 mars 2027.
LAMM u rekomandon shoferëve që ta përshtatin shpejtësinë e lëvizjes, të respektojnë sinjalizimin e vendosur rrugor dhe të drejtojnë automjetet me kujdes të shtuar.

Vëmendje e veçantë kërkohet në rrugët që kalojnë nëpër lugina, gryka lumore dhe kanione, ku ekziston mundësia e paraqitjes së rrëshqitjeve të dheut dhe gurëve.

Kujdes i shtuar rekomandohet në segmentet rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

MARKETING