Komisioni për Financim dhe Buxhet do të mbajë debat mbikëqyrës për “Alta Bankën”

Komisioni parlamentar për Financim dhe Buxhet sot mori vendim për mbajtjen e debatit mbikëqyrës në temën “Arsyet e vendosjes së administratës në Bankën Alta SHA Manastir, roli dhe veprimi i Bankës Popullore dhe përgjegjësia institucionale”, si nismë e grupit parlamentar të LSDM-së dhe koalicionit.

MARKETING

Në mbledhje ishte votuar edhe konkluzioni që në afat sa më të shkurt të mbahet koordinimi i përbashkët me anëtarët dhe zëvendës anëtarët e Komisionit për Financim dhe Buxhet për përcaktimin e afateve, kohëzgjatjen dhe dëshmitarët e vetë debatit mbikëqyrës.

Deputetët e VMRO-DPMNE-së nuk u pajtuan me titullin fillestar të debatit mbikëqyrës, i cili shkruante “Arsyet e vendosjes së administratës në Bankën Alta SHA Manastir, roli dhe veprimet e Bankës Popullore dhe përgjegjësia institucionale për mashtrimin e qytetarëve”. Ata kërkuan që titulli të mos përmbajë formulimin “për mashtrimin e qytetarëve”.

Anëtarët e Komisionit mbështetën dhe i kaluan për procedurë të mëtejshme parlamentare Propozim ligjin për ndryshimin dhe plotësimin e Ligjit për privatizimin dhe dhënien me qira të tokës ndërtimore shtetërore dhe propozim ligjin për ndryshimet në Ligjin për Fondin e Sigurimit të Depozitave. Propozim ligji për mbështetjen e familjes dhe strehimit, në lexim të parë, i paraqitur nga e Majta, nuk mori mbështetje.

MARKETING