Këshilli i Sigurimit të OKB-së miraton propozimin e SHBA për armëpushimin në Gaza

Këshilli i Sigurimit i Kombeve të Bashkuara ka miratuar një rezolutë në mbështetje të një marrëveshjeje armëpushimi të hartuar nga SHBA, që synon ndalimin e tetë muajve të luftimeve midis Izraelit dhe Hamasit. Pati 14 vota pro, një abstenim nga Rusia dhe asnjë votë kundër rezolutës.

Drafti i rezolutës u finalizua të dielën pas gati një jave negociatash midis anëtarëve të këshillit prej 15 anëtarësh. Marrëveshja synon që të ndodhë në tre faza. E para do të jetë një armëpushim gjashtëjavor, e dyta kthimi i pengjeve të mbetur në Gaza dhe e treta, një plan rindërtimi për Gazën.

Rezoluta e KS i bën thirrje Hamasit të pranojë planin trefazor dhe i kërkon Izraelit dhe grupit militant që “të zbatojnë plotësisht kushtet e tij pa vonesë dhe pa kushte”.

Është rezoluta e parë e miratuar nga këshilli që mbështet një plan specifik armëpushimi. Në mars, Këshilli i Sigurimit votoi në favor të një armëpushimi të menjëhershëm në konflikt.

MARKETING