Gjukanoviq: Mali i Zi po shkon drejt nacionalizmit serb

Presidenti në largim i Malit të Zi, Milo Gjukanoviq, i cili dha dorëheqjen edhe si kreu i Partisë Demokratike të Socialistëve (DPS), është shprehur se vendi i tij po shkon në rrugën e “nacionalizmit serbomadh”.

“Ne besojmë se e udhëhoqëm Malin e Zi në një kohë kur po shtrihej në segmente të reja të orientimit të vlerave të shoqërisë malazeze. Ne jemi krenarë për këtë. Besojmë se sistemi ynë i vlerave është superior dhe se shoqëria malazeze ka të drejtë të bëjë lëvizje sezonale, siç ndodh pas 30 gushtit. Mali i Zi po nxiton rrugëtimin drejt nacionalizmit serbomadh. Por ne e kuptojmë se në jetën e shoqërisë dhe njeriut, ciklet janë të mundshme, disa më të mira, disa të këqija. Ne duhet të jemi këmbëngulës në arritjen e rëndësisë shtetërore-politike”, tha Gjukanoviq, raporton Nova.

Ai theksoi se nuk ka alternativë serioze në skenë ndaj asaj që ka treguar DPS, por se respektojnë opinionin e qytetarëve.

MARKETING