Fidan: Gjenocidi në Srebrenicë, njolla e zezë e historisë së njerëzimit

Ministri i Jashtëm i Türkiyes, Hakan Fidan ka deklaruar se “Gjenocidi në Srebrenicë ruan vendin e tij në memorie si njolla e zezë e historisë së njerëzimit”, transmeton Anadolu.

Ministri Fidan bëri një postim nga llogaria e tij X lidhur me gjenocidin e kryer 29 vite më parë nga serbët në Srebrenicë.

Duke rikujtuar se 29 vite më parë një popull u masakrua para syve të botës, Fidan në postimin e tij është shprehur: “29 vjet më parë, para syve të botës, në mes të Evropës u masakrua një popull”.

“Gjenocidi i Srebrenicës ruan vendin e tij në memorie si njolla e zezë e historisë së njerëzimit. Me vetëdijen ‘Çfarëdo që të bësh, mos e harroni gjenocidin’ ne do ta përkujtojmë 11 korrikun çdo vit në vendin tonë si ‘Dita Ndërkombëtare e Mendimit dhe Përkujtimit të Gjenocidit të Srebrenicës’. Përkujtoj me mëshirë vëllezërit/motrat tona që kanë rënë dëshmorë, shpreh ngushëllime dhe uroj durim për familjarët e tyre”, shkroi Fidan.

MARKETING