Shëndetësia në duart e ASH-së, Fatmir Mexhiti zë vendin e Bekim Sali

Sot në ambientet e Ministrisisë së Shëndetësisë, Dr. Fatmir Mexhiti pranoi detyrën e Ministrit të Shëndetësisë nga Ministri paraprak, Bekim Sali.

Në takim Ministri Mexhiti tha se mbetet i përcaktuar që të vazhdojë punën e rëndësishme për promovimin dhe mbrojtjen e shëndetit dhe mirëqenies së të gjithë qytetarëve tanë.

“Fokusi im si Ministër i Shëndetësisë do të jetë që sistemi ynë shëndetësor të jetë i aksesueshëm, efikas dhe i përmbushur ndaj nevojave të të gjithë qytetarëve. Ne do të punojmë për të promovuar jetë të shëndetshme dhe për të ofruar burime dhe mbështetje për kujdesin preventiv, në mënyrë që të gjithë të kenë mundësinë të bëjnë jetën e tyre më të shëndetshme”, tha ministri Fatmir Mexhiti.

Ministri Mexhiti në këtë takim tha se beson se investimi në shëndetin e qytetarëve tanë është thelbësor për ndërtimin e një shoqërie të shëndetshme dhe se mbetet i përkushtuar të punojë me profesionistët e kujdesit shëndetësor, palët e interesuara dhe drejtuesit e komunitetit për të arritur qëllimet tona të përbashkëta. Faleminderit për besimin tuaj tek unë dhe me padurim pres t’ju shërbej në këtë rol të rëndësishëm, tha tutje Ministri i ri Mexhiti.

MARKETING