Danimarka mposht Hungarinë, Spanja fitoi në mënyrë senzacionale ndaj Norvegjisë

Danimarka mposht Hungarinë, Spanja fitoi në mënyrë senzacionale ndaj Norvegjisë

Kombëtaret e Danimarkës dhe Spanjës në hendboll janë gjysmëfinalistët e parë të Kampionatit Botëror të hendbollit, pasi triumfuan sot në ndeshjet e tyre çerekfinale ndaj Hungarisë dhe Norvegjisë.
Danimarka e mposhti me rezultat 40:23 Hungarinë.

Ndeshja e dytë ishte shumë më emocionuese dhe në fund fitoi Spanja duke mundur me rezultat 35:34 Norvegjinë.

Norvegjezët patën epërsinë që në fillim, por Spanja mbajti ritmin dhe nuk i lejoi norvegjezët të shkëputeshin shumë.

Pjesa e parë u mbyll me epërsinë (13:12) e Norvegjisë.
Norvegjia dukej se ishte gjysmëfinaliste, pasi në minutën e fundit avancuan me 25:24.

Në sekondat e fundit, spanjollët barazuan dhe e çuan ndeshjen në kohë shtesë.

E para përfundoi me rezultat 29:29.

Megjithatë, Spanja triumfoi në mënyrë sensacionale në shtesën e dytë me 35:34 dhe do të takohet me Danimarkën në gjysmëfinale.