Barça e frikshme, e vetmja e pamposhtur gjatë 2025-ës

Barcelona është e vetmja skuadër mes pesë kampionateve më të rëndësishme në Europë që nuk njeh humbje në vitin 2025.

Katalanasit fituan një ndeshje delikate në Lisbonë (kundër Benfikës në Ligën e Kampioneve) që ishte absolutisht vendimtare për sezonin. “Fantazmat” iu rikthyen në mendje blaugranave pas një tjetër kartoni të kuq në fillimin e takimit duke sjellë në kujtesë ndeshjen kundër PSG-së në “Montjuiç”, ku një karton i kuq për Arauhon në minutën e 29-të i shkatërroi ëndrrat e Barçës për të shkuar më tej në garë.

Nuk ishte e njëjta gjë në “Da Luz”, sepse të besuarit e Hansi Flik jo vetëm arritën të ruanin barazimin 0-0, por edhe me një lojtar më pak mundën të merrnin edhe një rezultat të favorshëm me ta në ndeshjen e vajtjes në 1/8 e finaleve. Një gol i Rafinjës pas një ore lojë ishte i mjaftueshëm për t’i siguruar një gjysmë bilete për në çerekfinale kryesuesve të kampionatit spanjoll.

Me këtë fitore minimale, por shumë të rëndësishme në transfertë, Barcelona vazhdon të ruajë firmën e shkëlqyer në vitin 2025, ku nuk ka humbur ende dhe që nga e mërkura është skuadra e vetme në pesë ligat kryesore në Europë që mund të mburret me këtë. PSG-ja ishte skuadra tjetër që nuk kishte humbur ende këtë vit, por ishte Liverpuli që i shkaktoi një humbje të dhimbshme në “Parc des Princes” (0-1). Kjo i ka dhënë mundësi Barcelonës të jetë e vetmja skuadër e pathyer në këtë vit kalendarik.

ECURIA – Skuadra e Hansi Flik ka zhvilluar 15 ndeshje në vitin 2025: shtatë në La Liga, tre në “Copa del Rey” (Kupa e Mbretit), tre në Champions League dhe dy në Superkupën e Spanjës. Ata kanë regjistruar 13 fitore dhe tre barazime, një kundër Getafes në “Coliseum” (1-1), një tjetër kundër Atalantës në ndeshjen e fundit të fazës së grupeve në Champions League (2-2) dhe e fundit në ndeshjen e parë të gjysmëfinales së Kupës së Mbretit kundër Atletikos së Madridit (4-4). PSG-ja, përveç Barçës, ishte skuadra e fundit që u thye në vitin 2025. Para saj ishte Bajerni i Mynihut që ra, teksa u mund 2- 3 nga Fejnordi më 22 jan

MARKETING